Cavab: Forma, rəng, boy və digər fiziki xüsusiyyətlərdəki fərqlər zamanla təsir edən təbii amillərlə bağlıdır. Çox isti ərazilərdə yaşayan insanların dəri rəngi getdikcə qaralmağa meylli olur. Mülayim bölgələrdə yaşayan insanların dərisi əksər hallarda ağ rəngdə olur. Bu hallara digər amillər də təsir edir. Deməli, Allah əvvəldən bir qrupu ağ, digər qrupu isə qaradərili olaraq yaratmamışdır.

Onu da qeyd etmək lazımdır ki, ayrı-seçkilik və fərqlilik arasında fərq var. Rəng fərqi ayrı-seçkilik deyil və bu məsələlər ayrı-seçkilik kimi qəbul edilməməlidir. İlahi dinlər bu ayrı-seçkiliyə qarşı mübarizə aparıblar. Allah bu xəbəri peyğəmbərləri vasitəsilə çatdırmışdır ki, Allah yanında təqva önəmlidir.

İslam Peyğəmbəri Səvfə səhabələri ilə görüşündə belə demişdir: “Ağdərili və qaradərili, ərəb və əcəm bütün insanlar eyni səviyyədədirlər. Təqva və Allaha itaətdən başqa heç bir şey vasitəsilə bir kəsin digərindən üstünlüyü yoxdur.”^[1] İrqçiliklə mübarizədə İslam Peyğəmbəri ən böyük səhmə malikdir. O, irqi üstünlük anlayışını dağıtmaq üçün Ənsarın böyüklərindən, öz qızlarını ailə həyatı qurmaq üçün, qaradərili Cuvəybirə vermələrini xahiş etdi.^[2] Peyğəmbər qaradərili Bilal Həbəşini özünə xüsusi müəzzin seçdi. O, həmçinin bəzi qərarlar qəbul edirdi ki, onun nəticəsində qullar tədricən azad və şərəfli həyat sürə bilsinlər.

Dipnotlar:

1. ↑ Mütəhhəri, Mürtəza, Əsərlər məcmuəsi, Tehran, Sədra nəşrləri, 9-cu çap, cild 18, səh.360.
2. ↑ Mütəhərri, Mürtəza, Əsərlər toplusu, cild 18, səh.360-364